Yin fascia yoga ferðalag í gegnum orkustöðvarnar
- Er líkaminn stífur, spenntur eða vanræktur og kallar á athygli?
- Ertu að upplifa streitu í dags daglega lífinu og finnur fyrir orkuleysi og þreytu?
- Vantar þig rými til að tengjast þér?
- Ertu ótengd/ur líkama þínum og/eða dofin/n?
- Upplifir þú miklar kröfur og ert sífellt í að gera frekar en að vera?
- Áttu erfitt með að slaka á, jafnvel þegar þú hefur tíma til að hvíla þig?
- Er hugurinn á stöðugum þeytingi, sem kemur í veg fyrir að þú náir ró og kyrrð?
Ef þú svaraðir já við eitthvað af þessum spurningum þá er Yin fascia ferðalagið eitthvað fyrir þig.
Ég er leita að fólki sem er tilbúið að fara í 6 vikna innra ferðalag í gegnum orkustöðvarnar þar sem við tengjumst okkur sjálfum enn betur í gegnum yin yoga, öndun og hugleiðslu.
Komdu með mér inní kyrrðina þar sem við kúpplum okkur út eftir daginn, tengjumst líkamanum og förum í djúpslökun. Við vinnum með bandvefinn í gegnum yin yoga stöður og notum nuddbolta þar sem við gefum eftir og losum um uppsafnaða spennu.
Næsta námskeið verður haldið í Leiðin Heim, Laugarvegi 178 þann 5 febrúar.
Dýpkaðu sambandið við líkama og sál
Yin fascia Yoga hjálpar okkur að róa hugann, gefa eftir og minnka áhrif streitu og kvíða. Það styður við taugakerfið og hjálpar okkur að komast í slökunarástand (e. rest and digest) sem er svo mikilvægt í hraða samfélagsins sem við búum í.
Í tímunum höldum við stöðunum í ákveðinn tíma sem hjálpar okkur að ná þessari djúpslökun og opnun á bandvef líkamans (fascia).
Stöðurnar sem við vinnum með auka einnig hreyfigetu líkamans, eru einstaklega endurnærandi og hjálpa þér að komast í betra jafnvægi.
Viltu vita meira um Yin fascia yoga?
Þetta er meira en bara teygjutími.
Fáðu sendan ókeypis bækling til að læra um hvað er að gerast í tímunum og hvaða áhrif það hefur á huga, líkama og sál.
"Í gegnum Yin fascia yogað dýpkaði ég tenginguna við líkama minn, kom jafnvægi á taugakerfið mitt og náði orkunni minni upp á ný. Þegar við höfum verið í streituástandi of lengi er mikilvægt að vinna með huga og líkama saman til að ná algjörri djúpslökun og geta sleppt tökunum á öllu öðru. Þessi iðkun breytti öllu fyrir mig og bjargaði mér úr vítahring síþreytu og áhugaleysi. Ég get ekki beðið eftir að deila þessu með þér og hlakka til að sjá þig á dýnunni.
-Sara Barðdal
Uppbygging námskeiðs
Námskeiðið verður haldið í Leiðin Heim heilunarsetri, sex miðvikudaga í röð, frá kl 17:30 - 18:45 þann 5 febrúar - 12 mars 2025.
Í hverjum tíma vinnum við með orkustöðvarnar í gegnum yin yoga stöður, flæði, öndun og hugleiðslu.
Við fræðumst um hverja orkustöð fyrir sig, hvernig þær hafa áhrif á þig í daglega lífinu og hvernig þú getur upplifað meira jafnvægi. Þú færð sent efni, fræðslu og hugleiðingu fyrir vikuna ásamt stuttum heimaverkefnum til að dýpka ferðalagið eftir hvern tíma.
Tímarnir eru rólegir þar sem við leggjum áherslu á mildi og eftirgjöf. Í lok hvers tíma endum við á góðri slökun og heilun.
Einnig er í boði að uppfæra og fá aðgang að netútgáfu námskeiðsins, sem þú hefur aðgang að í gegnum heimasvæði og app í 6 mánuði og getur því haldið iðkuninni áfram heima hjá þér.
Tími 1 - Muladhara
Tími 2 - Swadhisthana
Tími 3 - Manipura
Tími 4 - Anahata
Tími 5 - Vishuddha
Tími 6 - Ajna og Sahasrara
Hafdís
,,Ég get bara sagt vá! Eftir tímann gat ég farið út í rigninguna og losað margar tilfinningar sem hafa setið fastar lengi. Yin jòga hentar mér svo vel því stöðunum er haldið í langan tíma, þá kemst maður dýpra og þær virka svo mikið betur og svo slökunin eftir tíma er svo heilandi. Þessi tegund af jóga og nærvera Söru gerði svo mikið fyrir mig. Takk fyrir mig"
Guðný
,,Sara hefur svo góða nærveru að það er ekki annað hægt en að slaka á í tímunum hjá henni. Stoppar í stöðunum og maður fær að finna sig áður en farið er í næstu stöðu. Sefandi rödd hennar hefur svo þau áhrif að maður nær dásamlegri slökun í lok tímans."
Tryggðu þér sæti í dag og gefðu þér rými til að tengjast þér.
Smelltu hér fyrir millifærslu.
Mundu að setja alltaf netfangið þitt inn við skráningu eða senda mér póst ef þú millifærir.
Veldu þér þína leið.
Í boði eru 2 mismunandi valmöguleikar.
Fáðu netútgáfu námskeiðsins á 50% afslætti með því að tryggja þér það meðfram hinu.
Þú getur byrjað strax í dag.
6 vikna Yin fascia Yoga ferðalag í gegnum orkustöðvarnar
Innifalið:
- Sex 75 mín Yin yoga tímar í Leiðin Heim Heilunarsetri
- Fræðsla, pdf skjöl og stuttar hugleiðingar til að gera heima á milli tíma
6 vikna Yin fascia Yoga ferðalag í gegnum orkustöðvarnar ásamt Yin yoga netnámskeiði
Innifalið:
- Sex 75 mín Yin yoga tímar í Leiðin Heim Heilunarsetri
- Fræðsla, pdf skjöl og stuttar hugleiðingar til að gera heima á milli tíma
- Aðgangur að tímunum inn á heimasvæði og í gegnum app í 6 mánuði
- Hugleiðslur sem fylgja hverri orkustöð
- Bónus: Aðgangur að öllum hugleiðslum sem ég hef skapað í 6 mánuði
Þegar þú tryggir þér netútgáfu námskeiðsins færðu aukalega aðgang að öllum hugleiðslunum mínum ókeypis í 6 mánuði.
Erla Ósk
,,Það sem stendur uppúr eru orkustöðvarnar. Eitt af mínum markmiðum var að ná að tengja saman huga og líkama, hef ekki náð þeirri tengingu áður og ekki skilið hana. En ég er að ná að tengja í fyrsta sinn í lífinu og vá hvað það er magnað!!!!!
Ég er alveg smá mind blown. Sara þú ert mögnuð, með magnaða sýn og mesti peppari af einlægni og sál. Dásamlegt að hlusta á þig."
Edith
,,Upplifunin mín hefur verið alveg einstök. Finnst eins og ég hafi náð að tengjast sjálfri mér á ný þar sem ég hef upplifað vissa fjarlægð frá sjálfinu vegna amsturs. Tímarnir veita mér ró og svigrúm til þessa, og ég bíð einfaldlega eftir næsta tíma. Þetta er minn tími og mér finnst eins og þetta sé gjöf frá mér til mín að sækja tímana.
Mér finnst ég upplifa nærumhverfið mitt betur og finnst ég vera í betri jafnvægi. Þessi ró og vellíðunartilfinning sem maður upplifir í tímunum er það besta."
Þóra
,,Upplifunin mín af námskeiðinu hefur verið mjög góð. Mér finnst ég tengjast líkama mínum betur og hlusta meira á hann auk þess að finna betur hvaða stöð er í ójafnvægi. Tímarnir eru róandi og nærandi, og veita manni þannig kærkomna slökun og sjálfsást í amstri dagsins.
Það besta við námskeiðið er að það hefur hjálpað mér að víkka sjóndeildarhringinn, finna á líkama og sál hvar ég ég þarf að bæta mig og veita sjálfri mér meiri kærleik. Það hefur vakið áhuga minn á meiri jógaiðkun og mín vegferð er bara rétt að byrja!
Að lokum vil ég koma því til þín að þú ert alger fyrirmynd, konur sem styrkja konur, hafa svo mikinn kraft og útgeislun að lýsa upp herbergið. Takk fyrir að deila af þér, ég er þakklát fyrir þessa upplifun. "
