9D Breathwork ferðalög
9D Breathwork er kraftmikið öndunarferðalag sem sameinar sómatíska öndun, fjölvíddarhljóð, dáleiðslutengda leiðsögn og sérhannaða hljóðtækni í heyrnartólum.
Samspil öndunarinnar, raddarinnar og hljóðsins styður við að heilinn færist úr virku beta-ástandi í átt að hægari theta-bylgjum — ástandi sem tengist djúpslökun, aukinni innri athygli og aðgengi að því sem liggur undir yfirborðinu.
Þar getur skapast rými til að mæta tilfinningum og ómeðvituðum mynstrum, losa um spennu sem líkaminn hefur haldið í og tengjast sjálfri/sjálfum þér á dýpri hátt.
Hvert ferðalag er einstakt. Sumir upplifa djúpa kyrrð, aðrir sterka tilfinningalega eða líkamlega losun, nýjan skýrleika eða tengingu við hluta af sér sem hafa lengi beðið eftir athygli.
Þetta eru einstök ferðalög sem sameina huga, líkama og sál og upplifun sem erfitt er að lýsa með orðum. Ef þú finnur að það er kominn tími til að staldra við og fara inn á við bjóðum við þig hjartanlega velkomna/n á dýnuna.
Hvað getur þú upplifað?
Ekkert 9D Breathwork ferðalag er alveg eins. Það sem kemur upp er persónulegt og getur verið ólíkt frá einu ferðalagi til annars. Þátttakendur lýsa þó oft:
-
Dýpri slökun: Rými til að stíga út úr áreitinu, róa hugann og beina athyglinni inn á við.
-
Tilfinningalegri og líkamlegri losun: Tilfinningar og spenna geta fengið að hreyfast og tjá sig í gegnum öndunina, hljóð, tár, hreyfingu eða titring.
-
Meiri tengingu við líkamann: Tækifæri til að hlusta betur á líkamann og taka eftir því sem hann hefur verið að halda í eða reyna að segja.
-
Skýrari sýn: Þegar hugurinn hægir á sér getur skapast rými fyrir ný sjónarhorn, aukinn skýrleika og betri tengingu við eigin þarfir.
-
Dýpri sjálfsskilningi: Ferðalagið getur varpað ljósi á ómeðvituð mynstur, viðhorf og sögur sem hafa áhrif á hvernig þú upplifir sjálfa/n þig og lífið.
-
Nýrri orku og léttleika: Margir lýsa meiri ró, léttleika, orku eða tengingu við sjálfa/n sig eftir ferðalagið.
Svajunas
Svæfinga- og gjörgæslulæknir
„9D var einstök, sterk og mjög persónuleg upplifun sem snerti mig dýpra en ég átti von á. Hún skapaði rými til að staldra við, líta inn á við og nálgast tilfinningar og hugsanir frá nýju sjónarhorni.
Þetta er ekki upplifun sem auðvelt er að lýsa með orðum — hana þarf eiginlega að upplifa. Ég mæli eindregið með 9D fyrir þá sem eru tilbúnir að opna hugann, fara aðeins út fyrir þægindarammann og þora að grafa dýpra í eigin sál.“
Þetta er ekki hefðbundinn öndunartími
9D Breathwork sameinar virka sómatíska öndun og marglaga hljóðupplifun sem er hönnuð til að leiða athyglina frá daglegu áreiti og inn á við.
Í gegnum 9D-vottuð heyrnartól umlykur hljóðheimurinn þig og gefur upplifuninni aukna dýpt. Þar fléttast saman tónlist, rödd, binaural beats, isochronic tones, solfeggio-tíðnir, 432 Hz tónstilling og önnur hljóðáhrif sem styðja við slökun, einbeitingu og innri upplifun.
Ferðalaginu fylgir einnig dáleiðslutengd leiðsögn sem nýtir meðal annars aðferðir úr NLP, sjónsköpun og uppbyggjandi skilaboð. Leiðsögnin er sniðin að ákveðnu þema og styður þig í að beina athyglinni að þeim mynstrum, tilfinningum eða viðhorfum sem þú vilt skoða.
Hvert ferðalag hefur sinn ásetning og sinn tón. Þemun geta meðal annars snúið að því að sleppa tökunum og fyrirgefa, tengjast innra barninu, vinna með sjálfstraust, ótta, streitu, endurnýjun eða tengingu við eigin kraft.
Helga
„Ég náði að losa helling, leið miklu betur eftir á og fann strax meiri orku. Ég grét, hristist og skalf — og fann fyrir djúpri losun í líkamanum. Þetta var svo frelsandi og losandi.
Eftir tímann var eins og ég væri að svífa — ótrúlega þægileg tilfinning. Ég sef betur, líður betur og finn að þetta hefur haft raunveruleg áhrif. Sálfræðingurinn minn tók eftir miklum breytingum eftir tímann og hrósaði mér — og þjálfarinn minn líka.“
Súsanna
„Í dag er ég mjög tilfinningarík. Ég vaknaði í morgun og upplifði frið og ró í hjartanu sem ég hef ekki upplifað í langan tíma. Auk þess leið mér eins og sál mín syngi innra með mér.
Ég veit ekki hvernig ég get lýst því betur en mér líður mjög vel, er meira jarðbundin og meðvitaðri um eigin líkama, sál og öndun. Kærar þakkir fyrir mig.“
Eva Bryngeirs
,,Ég hvet alla til að prufa að fara í 9D Breathwork hjá Söru til að öðlast betri tengingu við sjálfan sig. Ég fór á djúpt ferðalag með miklum tilfinningatengslum sem gáfu mér alla flóruna og hjálpuðu mér að sleppa tökum á hlutum sem eg hafði sleppt í huganum með hugsun áður en þarna upplifði ég full body losun. Það var yndislegt að fara á dýptina, leyfa sér að finna og sleppa! Mæta svo tilbaka í fullum kærleik."
Tryggðu þér sæti í næsta 9D Breathwork ferðalag
Hér fyrir neðan sérðu næstu ferðalög, dagsetningar og staðsetningar. Veldu það ferðalag sem kallar mest á þig og tryggðu þér sæti.
Mikilvægt: Hakaðu við að þú viljir fá tölvupóst frá okkur í greiðsluferlinu svo við getum sent þér allar nauðsynlegar upplýsingar fyrir ferðalagið. Athugaðu einnig ruslpósthólfið ef pósturinn skilar sér ekki.
Með því að staðfesta skráningu samþykkir þú skilmála Sjálfsins.
Hefur þú áhuga á einkaferðalagi fyrir vinahóp, vinnustað eða annan hóp?
Sendu okkur fyrirspurn á [email protected] og við skoðum með þér hvað gæti hentað.
Gefðu þér rými, aftur og aftur
Stundum þurfum við meira en eitt augnablik til að staldra við, hlusta inn á við og finna hvað við þurfum.
9D klippikortið er fyrir þig sem vilt gera öndunarferðalög að reglulegum hluta af því að hlúa að þér. Þú velur þá tíma sem henta þér og mætir eins og þú ert hverju sinni.
6 ferðalög · 48.000 kr.
8.000 kr. fyrir hvert skipti — 20% lægra verð en stök skipti.
Eftir kaup sendum við þér persónulegan bókunarkóða í tölvupósti. Þú notar hann til að bóka eitt sæti í einu í gjaldgenga 9D hóptíma. Pósturinn er sendur handvirkt og berst því ekki endilega strax.
Kortið er persónubundið og gildir til og með 1. júní 2027. Sæti eru háð framboði.
Næstu 9D breathwork ferðalög:
Psss... Mundu eftir að staðfesta skráningu, svo þú fáir nánari upplýsingar sendar í tölvupósti fyrir tímann.
Ath hann getur lent í ruslhólfinu
From Dark to Light
Við erum spennt að kynna nýjast 9D ferðalagið: Úr myrkri í ljós
Þriðjudagurinn - 10. nóvember kl. 19:30- 21:30
Bolholt 4, 4 hæð (ATH ný tímasetning og staðsetning)
Það eru hlutir sem við eigum erfitt með að fyrirgefa okkur. Eitthvað sem við gerðum, létum viðgangast eða teljum að við hefðum átt að gera öðruvísi. Stundum tökum við líka á okkur sök á því sem aðrir gerðu okkur og veltum fyrir okkur hvort við hefðum getað komið í veg fyrir það.
Þetta sést ekki endilega utan á okkur. Við sinnum lífinu og fólkinu okkar, en innra með okkur getur verið hörð rödd sem minnir okkur á það sem við sjáum eftir. Með tímanum getur verið erfitt að greina á milli þess sem gerðist og þess hver við erum.
From Dark to Light er kröftugt 9D Breathwork ferðalag sem fjallar um skömm, sjálfsfyrirgefningu og möguleikann á að sjá sjálfa/n sig með meiri hlýju. Hér færðu rými til að kanna það sem þú hefur dæmt þig fyrir, hvað var í raun á þína ábyrgð og hvað þú hefur borið á þér sem var aldrei þín sök.
Þetta ferðalag gæti kallað á þig ef þú:
✨ talar við þig af hörku sem þú myndir aldrei sýna manneskju sem þér þykir vænt um
✨ sérð eftir ákvörðunum eða viðbrögðum frá tíma þegar þér leið illa eða aðstæður voru erfiðar
✨ hugsar enn „ég hefði átt að vita betur“ eða „ég hefði átt að stoppa þetta“
✨ óttast að fólk myndi sjá þig öðrum augum ef það vissi allt sem þú hefur gengið í gegnum
✨ finnur að skömm eða sektarkennd gerir þér erfitt fyrir að þiggja hlýju, njóta þess sem er gott eða prófa eitthvað nýtt
✨ langar að trúa því að fortíðin þurfi ekki að ráða því hvernig þú sérð þig eða hvað þú leyfir þér í lífinu
Að mæta sér með meiri skilningi
Sjálfsfyrirgefning getur byrjað á því að skoða eigin sögu af meiri sanngirni. Hvernig leið þér? Hvaða möguleika hafðirðu? Hvað vissirðu þá? Þú getur viðurkennt það sem þú sérð eftir og tekið ábyrgð á því án þess að þurfa að refsa þér endalaust fyrir það.
Það getur líka skipt máli að spyrja hvort sökin sem þú finnur fyrir sé yfirhöfuð þín. Að hafa orðið fyrir einhverju er ekki það sama og að bera ábyrgð á því.
Í ferðalaginu er einnig gefið rými fyrir fyrirgefningu gagnvart öðrum, á þínum forsendum. Það er pláss fyrir að vera ekki tilbúin/n. Þú þarft hvorki að réttlæta það sem gerðist né breyta þeim mörkum sem þú þarft að hafa.
Raddir fólks sem þekkir erfiðar leiðir
From Dark to Light var skapað í samstarfi við Hope Cartel, hóp 9D leiðbeinenda frá Ástralíu. Í gegnum ferðalagið heyrast raddir þeirra og frásagnir úr eigin lífi, meðal annars af fíkn, missi og því að byggja lífið upp að nýju. Þær gefa persónulega sýn á að breytingar séu mögulegar, líka þegar erfitt er að sjá það fyrir sér.
Virk öndun, tónlist og ákveðin leiðsögn skapa kröftuga upplifun þar sem sterkar tilfinningar geta komið upp. Undir lokin tekur við rólegri kafli með rými til að hvílast og huga að því hvernig þú vilt mæta sjálfri/sjálfum þér í daglegu lífi.
Þú gætir tekið með þér meiri skilning á eigin viðbrögðum, upphaf að sjálfs fyrirgefningu eða von um að það sé hægt að hafa það öðruvísi. Það gæti birst í að taka eftir sjálfs ásökuninni án þess að trúa henni strax, leyfa þér að þiggja stuðning eða taka lítið skref sem þú hefur lengi talið þig ekki eiga skilið.
Ef þú ert þreytt/ur á að dæma þig út frá erfiðustu köflunum í lífi þínu, ertu velkomin/n í From Dark to Light. Komdu og gefðu þér tækifæri til að mæta þér með meiri hlýju.
Við hlökkum til að taka á móti þér.
ATH: Þessi viðburður er ákafur öndunar - og heilunartími, vinsamlegast láttu mig vita ef þú ert með eitthvað af eftirfarandi sjúkdómum eða kvillum.
Skilmálar varðandi breytingar og afbókun:
Þar sem það eru takmörkuð sæti laus í hvern tíma er ekki hægt að afbóka samdægurs eða rétt fyrir tíman og fá endurgreiðslu. Ef eitthvað kemur uppá getur þú gefið öðrum eða selt þitt sæti sjálf/ur. Ef fyrirvarinn er lengri en 24 klst, getur þú átt tímann þinn inni og mætt í næsta lausa tíma í staðinn.
Online tímar á zoom
Fáðu að upplifa 9D breathwork ferðalögin í þægindunum heima hjá þér. Eftirfarandi hádegistímar eru í boði sem fókusa á að ná taugakerfinu niður í rest and digest, og er gott fyrir þá sem eru að glíma við streitu, kulnun eða ójafnvægi, eða þá sem hafa áhuga á persónulegum vexti og heilun.
Notaðu öndun og hljóðtækni til að ná betri tengingu við þig, komast í djúpslökun, ró og finna innri frið.
Það eina sem þú þarft eru góð heyrnatól, augnhvílur og frið heima hjá þér til þess að fara inn á við.
Allar upplýsingar verða sendar til þín í gegnum netfang fyrir tímann, þannig mundu eftir að setja netfangið þitt inn við skráningu.
Sendu mér tölvupóst á [email protected] ef þú hefur áhuga á online ferðalagi.
Harpa
,,9D Breathwork tíminn í gegnum zoom VÁ, þvílíka upplifunin, ég bjóst alls ekki við þessari þvílíku upplifun hvað þá í gegnum zoom, ég fann fyrir öllu lífi í líkamanum, kuldanum, hitanum, grét og var svo lifandi eins og allar frumur líkamans hefðu ákveðið að vakna. Orkan er tekin á nýtt level eftir þetta ferðalag. Ég hlakka strax til næsta tíma hjá Söru og 9D Breathwork þarf hver einstaklingur að upplifa til að finna hve gott og á hvaða máta þetta gerir fyrir mann. Takk fyrir mig"
